De Ando Hakob hetti am Samschtig um de EM-Titel selle boxe. E Schulterverletzig het sim Traum es Ändi gsetzt. Zumindescht vorerscht.

Vilicht wär s d Chance vo sim Läbe gsi, wo de Ando Hakob am Samschtig, 19. Dezember 2020 z Spanie het welle packe: En Boxkampf gege de da amtierend Europameister Sergio Garcia. Für de Kampf, wo z Spanie het selle stattfinde, het er dete 6 Woche trainiert.

Jetzt isch de Andranik Hakobyan, wi de Ando eigentlich heisst, wider zruck z Bade, wo er läbt. E Schulterverletzig, wo ihm scho sit Jahre immer mol wider Problem macht. Wil sin Gegner zwöi Gwichtsklasse höher boxt, het de Ando als Sparingspartner bis zu 10 Kilo schwereri Boxer gha, was de Körper starch belaschtet und wohl mit Uslöser für de Aariss vo de Bizepssehne isch.

De Ando Hakob versucht positiv z blibe. Es goht em immer no schlächt, aber ebe dich au langsam besser. Zudem isch er froh, dass em d Verletzig im Training und ned im Meischterschaftsfight passiert isch. Dete, so het er ois gsaid, sig e settigi Verletzig vil schmerzhafter. Jetzed hoffed er eifach druf, dass d Schultere wider besser wird und er vilicht e zwöiti Chance übechunnd, um de Titel vomene Europameischter z boxe.