En Automobilist isch eme Fahrzüüg bis in d Usfahrt Spreitebach gfolged und het d Frontschibe vo dem PW beschädiged. Uslöser isch es Fahrmanöver uf de A1 gsi, schriibd d Kantonspolizei inere Mediemitteilig.

De Vorfall het sich Mittwoch, 11. November 2020 kurz vo de 9i ereignet. E Frau het mit ihrem VW Passant im Bareggtunnel vom Normal- uf de Überholstreife gwächsled und sich voreme schwarze SUV i de Vercher iigreiht. De SUV isch ihre dann bis in d Usfahrt Schpreitebach gfolged, isch usgstige, wo si am Lichtsignal het müesse warte und het dete mit de Hand d Frontschibe vom Passat iigschlage. Danach isch er wider gange. D Beifahreri vom SUV isch im Auto blibe. De Sachschade am VW Passat ligd bi mehrere tuusig Franke.

Di Kantonspolizei Aargau het d Ermittlige ufgnoh und suechd Züüge. Wer Aagabe zum gsuechde Fahrzüüg bzw zum Lenker oder zum Fahrmanöver cha mache, sell sich bi de Mobile Polizei z Schafise (Tel. 062 886 88 88) melde.

Signalement:

Lenker vom schwarze SUV: Europäer, öppe 180 cm, Schnurrbart, Bart, schwarzi Hoor, rundlichs Gsicht, wiisses T-Shirt.

Beifahrerin vom schwarze SUV: schmali Statur, blondi Hoor.

S Fahrzüüg isch möglicherwis en ältere Audi Q7, schwarz, gsi.