Am Mittwoch, 22. Juli 2020 gege di Halbielfi het es uf de Zürcherstrass zwüsche Noiehof nd Bade en Unfall geh. En Golf isch frontal miteme Laschtwage zammegstosse.
En 44-jährige Automobilist isch geschter vo Noiehof her Richtig Bade unterwägs gsi, wo er uf d Gegefahrbahn cho isch. Dodebi isch er in en Sattelschlepper pralld, wo ihm entgegecho isch. de 39-jährig Laschtwagechauffeur isch vo de Füürwehr us de Fahrerkabine usse und dann mit de Ambulanz ins Spital brochd worde. Bi ihm bestoht en Verdacht uf e Rückeverletzig. De Automobilist und sin Beifahrer, es 13-jährigs Chind, sind unverletzt blibe.
Bim Golf het de Unfall zueme Totalschade gführ und au de Sattelschlepper isch starch beschädiged worde. De Schade ligd bi mehrere zähtuusig Franke. D Kapo het Ermittlige ufgnoh, um di genau Unfallursach z ermittle.