Wege de Corona-Krise het s Ratsbüro vom Grosse Rat vom Kanton Aargau zwöi Sitzig abgsaid. Im Mai tagt er i de Umwältarena.
Für de 12. Mai 2020 het d Grossratspräsidenti Edith Saner (CVP) e Grossratssitzung aakünd gha. Offe isch bis hüt gsi, wo si wird stattfinde. Wege de Abstandsregel zur Coronapräventionisch klar gsi, dass si ned im Grossratssaal z Aarau cha stattfinde.
Wils z Aarau kein geignete Saal het, het de Parlamentsdienscht mehreri Ört evaluiert und d Grossratspräsidenti het sich letschtendlich für d Umwältarena z Schpreitebach entschide. So wird di Limmattaler Gmeind zumindest für ein Tag zum politische Zäntrum vom Kanton Aargau. Ob das au im Juni no eso isch, blibd abzwarte. Je nach Lagebeurteilig werden au di Sitzige i de Umwältarena stattfinde. Jedefalls chönnd di Gschäft, wo zur Beratung aastönd, ordentli traktandierd und abgarbeited werde, schriibd de Kanton in sinere Mediemitteilig.