Nachdem bim erschte Wahlgang für de Gmeindrot Noiehof numme eine vo de beide freie Sitz het chönne besetzt werde, isch es am 29. März 2020 zum zwöite Wahlgang cho. Vier Kandidate hend sich um de freii Sitz beworbe, gwählt worde isch de…
Daniel Burger. Vo 1140 gültige Stimme, was ere Wahlbeteiligung vo 30.2 % entspricht, het de Burger mit sine 525 Stimme s Absoluti Mehr ned erreicht. Bieme zwöite Wahlgang isch das aber au ned nötig, da langed s eifache Mehr. Uf em zwöite Platz isch de Tim Voser mit 373 Stimme, dritte de Jürg Amrein mit 136 und uf em vierte Platz de Christoph Güdel mit 106 Stimme.
De noi gwählti Gmeindrot Daniel Burger isch – zumindest bisher – Kommandant vo de Füürwehr Noiehof. Mit sinere Wahl isch d Behörde nach de Rücktritt vo de Susanne Voser und em Andreas Muff und de Wahl vom Martin Uebelhart im erschte und jetzt em Daniel Burger im zwöite Wahlgang, wider komplett.