Di userordentlichi Lag, wo de Bundesrot usgruefe het, führt bi vielne Firmen zu gross Problem. Au d Bademer Brauerei Müller isch im Krisenmodus.

Abgesagti Events, gschlosseni Restaurant und Läde, vili werded vo de Corona-Krise bsunders hart troffe. So au d Müller Bräu, wi si innere Mediemitteilig informiird. Noi bieted d Brauerei us dem Grund gratis Huuslieferdienscht für Privatkunde in de Regionen Brugg, Bade und em Limmattal aa. S Unternehme wot so Arbeitsplätz sichere und de Bevölkerig e Getränkeversorgig ermögliche, ohni dass si us em Huus müend.

De Hauptabsatzmärt vo de Brauerei, d Gastronomie, isch im Momänt vollständig zammebroche. Mit de Sofortmassnahm – Gratis Heimlieferdienscht – wird d Müller Bräu d Region mit frischem Müller Bier, alkoholfreie Getränk und au Wy versorge! Online cha me unter www.meinbier.ch bstelle und d Getränk werded im Rayon Brugg, Bade und Limmattal gäge Rechnig gratis bis vor d Huustüre gliefered.