Z Bade hend 4 jungi Manne bieme Raubüberfall Bargäld erbeuted. D Polizei het di muetmassliche Täter chönne festneh.
Unter Aadrohig vo Gewalt hend am frühe Samschtigmorge vier Manner bim Trafoplatz Bargäld gfordered, schriibd Kantonspolizei inere Mediemitteilig. D Täter sind Richtig ABB-Areal gflüchted und d Opfer, en 16- und en 17-Jährige, hend d Polizei alarmiert. D Stadt- und d Kantonspolizei hend umgehend mit mehrere Patrouille d Fahndig ufgnoh und di muetmassliche Täter, alli 17- und 18-jährig chönne feschtneh.
Di zueständig Staatsaawaltschaft Bade und Jugendaawaltschaft vom Kanton Aargau hend es Strafverfahren eröffned. Di Beschuldigte sind alli inhaftiert worde.