Sibe Kandidate für zwöi Sitz im Gmeindrot und eine devo als Gmeindamme. Das isch d Usgangslag bi de Gmeindrotersatzwahl am 9. Februar 2020 gsi.

Wi erwarted, wirds z Noiehof zueme zwöite Wahlgang cho. Aber ein Gmeindrotssitz het chönne bsetzt werde. De Martin Uebelhart (CVP) isch bieme absolute Mehr vo 588 mit 645 Stimme i de Gmeindrot gwählt worde. Fürs Amt vom Gmeindamme sind 1260 Stimme i d Urne glegd worde, aber numne 921 gültig. S absolute Mehr vo 461 Stimme het de Martin Uebelhart mit 598 Stimme locker gschaffed, so dass er au de noi Gmeindamme isch.

Di witere Kandidate für de Gmeindrot hend folgende Stimme übecho: de Daniel Burger (parteilos) 512, de Tim Voser (FDP) 449, de Jürg Amrein (parteilos) 214, de Christoph Güdel (Grüne) 210, de Christopher Benz (parteilos) 181 und de Igor Arsenijevic (parteilos) 111 Stimme.

De 2. Wahlgang wird am 29. März 2020 stattfinde. Es sind dann numme no di Kandidierende wählbar, wo bis am 19. Februar um 12i am Mittag vo mindescht 10 Stimmberechtigte aagmeld worde sind.