Uf de A1 in Fahrtrichtig Bärn het d Kantonspolizei Aargau i de Nacht uf Donnschtig, 30. Januar 2020 es Auto aaghalte, wo durch d Fahrwiis ufgfalle isch. Keis Wunder, we me bedenkd, wer am Stüür gsässe isch.
Kurz vor de Zwöi am Donnschtigmorge het öppe em Polizeinotruef aaglüted und mitteild, dass uf de A1 Richtig Bärn es Auto unterwägs sig, wo durch d Fahrwiis würd uffalle. Es isch dann e Patrouille vo de Mobile Polizei usgruckd und het das Auto uf Höchi Noiehof gseh und chönne aahalte. Am Stüür isch es 14-jährigs Meitli gsi, wo s Auto ohni Wüsse vo ihre Familie gnoh und gschtüüred het.
D Lenkeri isch bi de zueständige Jugendstaatsaawaltschaft verzeigd worde.