D Kantonspolzei Aargau (Kapo) suechd Züüge, wo Aagbe zu zwöi Automobilischte chönnd mache, wo sich uf de A1 gegesitig provoziird und bedrängd hend. Uf de Spitalchrüzig bim KSB hend si ufenand los welle.
Wi d Kapo mitteild, isch am Sunntig, 15. September 2019 kurz vor de Zwöi am Namittag e Mäldig i de Notruefzentrale iigange. Zwöi Automobilischte würded uf de Spitalchrüzig strite.
Wo d Partrouille vo de Kapo vor Ort iitroffe isch, het si numme no eine vo de betroffene Manner aatroffe. De ander het d Stadtpolizei Bade bald druf chönne aahalte.
Usegstellt het sich, dass beidi vorher uf de A1 sich gegesitig provoziird und bedrängd hend und ufgrund vo de Wuet, wo beidi mit de Ziit ufenand gha hend, sind si schints uf de Spitalchrüzig anenand grate. Verletzt worde isch niemed. De 50-jährig us em Aargau isch miteme Citroen C6 unterwägs gsi, de 38-jährig mit Wohnsitz im Kanton Züri miteme Chevrolet Blazer.

D Kapo Stützpunkt Bade (Tel. 056 200 11 11) suechd Züüge, wo d Vorfäll uf de A1 und/oder bi de Spitalchrüzig gseh hend und Aagabe dazue chönd mache.

Advertisements