De gröschti Wirtschaftsaalass vom Limmattal isch s’Wirtschaftspodium Limmattal. Zum 20-Jahr-Jubiläum übechund s beschti Limmattaler Jungunternehme en Priis. Me cha sich no bewerbe.
Am Mittwoch, 6. November 2019 find s Wirtschaftspodium Limmattal (WIPO) statt und fiired s Jubiläum. Di 20 Jahr WIPO sind de Grund, dass s Wirtschaftspodium zämme mit em Inschtitut für Jungunternehme (IFJ) us Schliere de «WIPO-Jungunternehmerpreis» usgschribe het. Er sell as beste Limmattaler Jungunternehme verliehe werde oder besser gsaid, a s bescht vo dene, wo sich bewerbed. Mitmache chönd Start-ups us em Limmattal, wo nöd älter als 5 Jahr alt sind (Stichtag: 1.1.2014), gliich us welere Branche. Bis zum Fritig, 11. Oktober 2019 cha me sini Bewerbig do abgeh. Au d Bedingige für d Teilnahm sind dete z finde.
Folgendi Priise gits für di 10 beschte Limmattaler Jungunternehme:

  • 1. Platz CHF 7’000 Priisgäld inkl. Präsentation am Wipo
  • 2. Platz CHF 2’000 Priisgäld inkl. Präsentation am Wipo
  • 3. Platz CHF 1’000 Priisgäld inkl. Präsentation am Wipo
  • 4. bis 10. Platz Iitritt ans Wipo 2019 im Wert von CHF 95


Advertisements