I de Nöchi vom Frässbalke in Fahrrichtig Bärn isch en Laschtwage in d Mittelleitplanke gfahre. S chunnd in beide Richitge zu Stau.
Wi d Kantonspolizei inere Mediemitteilig schriibd, isch en Laschtwage öppe um Zwänzvorzwöi am Namittag in d Leitplanke innegfahre. Passiird isch de Uufall uf em Gmeindbann vo Schpreitebach, churz vor de Raschtstätte Würelos in Fahrtrihtig Bärn. D Polizei rächnet mit starche Behinderige im Fiirobigvercher und empfihld, d Region Limmattal zwüsche Dietike und Noiehof z miide.
Wi d Vercherssituation genau isch, isch schwer iizschätze. Google Mapps rächned über d A1 vo Züri uf Wettige mit öppe 75 Minute und in d Gägerichtig mit 46 Minute. D Webcam vom Frässbalke zeiged aktuell numme en Stau Richtig Züri. Es isch sicher guet, de Empfehlig vo de Polizei z folge oder für de Wäg dütlich meh Ziit iizrächne.

Advertisements