Obersiggethal übechunnd zum erschte Mol e Frau Gmeindamme. D Bettina Lutz Güttler (CVP) tritt am 1. Jänner 2020 d Nochfolg vom Dieter Martin (FDP) aa.
Am hütige Wahltag isch es z Obersiggethal um zwöi Gmeindrotssitz und um d Nochfolg vom Gmeindamme Dieter Martin gange. De Amtsaatritt vo eim Gmeindrotssitz isch per sofort, de zwöit wi au der vom noie Gmeindamme uf de Johreswächsel.
Per sofort wird d Bettina Lutz Güttler Gmeindrötin und folgd aafangs 2020 em Dieter Martin als Gmeindamme. Bi de Wahl für de Gmeindrot het si mit 1730 Stimme d Nase vor em Christian Keller gha, wo mit 1215 au s absolute Mehr vo 800 Stimme erreichd het und am 1. Jänner 2020 Gmeindrot wird.
Bi de Ammewahle het sich d Bettina Lutz Güttler au dütlich duregsetzt. Mit 1316 Stimme het si fascht 600 Stimme meh gha wi de Peter Stucki (SP), wo uf 721 Stimme cho isch.

Advertisements