Noiehof (sda) – Noiehof het wege höche Inverschtitione e höchi Verschuldig. Durch d Usgliderig vom Wasser- und Elektrizitätswerch selled d Schuld gsenkt werde.
De Betriib vo de Wasser- und Elektrizitätsversorgig wird sit em 2008 durch d Regionalwerch Bade usgführt und de gsamti Kundedienscht sit em 2017. Gliichwohl ghörted d Gmeindwerch Neuehof de Iiwohnergmeind Noiehof. Wi s Badener Tagblatt melded, wot de Gmeindrot bi de Gmeindversammlig im November de Aatrag stelle, dass s Werch e selbstständigi, öffentlich-rechtlichi Aastalt wird. De Gmeindrot het aber ned im Sinn, s Werch z verchaufe. Vilmehr gohts drum, dass d Schulde für d Inveschtitione nüm d Gmeindrechnig belaschte und klar trennd sind vo de Schulde, wo d Gmeind z.B: durch de Noibau vom Schuelhuus het.

Advertisements