Sit einige Johr betriibed mir d Wettiger Nochrichte als Online-Nochrichteportal. Mir schriibed daderbi abe rimmer wider Meldige, wo ned numme für Wettige, sondern fürs ganze Limmattal interessant sind. 
Zudem isch d Vernetzig im ganze Tal wichtig und weder Mönsche noch Informatione mached vor Gmeindegränze Halt.
Gärn nehmed mir Artikel entgege und veröffentliched si, wenn si folgendi Bedingige erfülled: 

  • si müend im Dialekt gschribe si (we ihr si ois in Schriftdütsch schicked, dann werded mir si übersetze, falls mir Ziit hend, schuscht chömmed si ebe ned)
  • es muess es bruuchbars Föteli derbi si (für d Bildrächt isch der verantwortlich, wo si ois schickd)
  • si müend als Nochrichteartikel gschribe si, also neutral und ned us Sicht vomene Partei-, Vereins- oder schuscht eme Mitglied
  • si müend en Bezug zum Limmattal ha

Fotis und Artikel bitte an folgendi Adresse maile: wettiger.nochrichte(at)gmail.com