Im September 2023 isch en SVP-Grossrat wegem Verdacht uf sexuelli Handlige mit Minderjährige verhaftet worde. D U-Haft isch jetzt no einisch verlängered worde.

D Untersuechigshaft, wo de ehemolig Grossrat us em Bezirk Bade muss absitze, goht lang. Si isch grad no einisch um 6 Mönet verlängered worde. De muetmasslich Täter sitzt nach Ablauf vo dere Frist dann scho 3 Johr in U-Haft.

D U-Haft beaatraid d Staatsaawaltschaft bim Zwangsmassnahmegricht, wo muess entscheide, ob si aagordnet wird. Im vorliegende Fall isch si scho mehrfach verlängered worde. Das düted druf anne , dass d Ermittlige komplex sind. U-Haft wird in de Regle aagordnet, we en dringende Tatverdacht vorligd oder d Gfahr bestoht, dass en Beschuldigte flüchted, es Delikt wiederholt, Beweis vernichted oder möglichi Züüge chönnd beiiflusse. Zudem muess d Staatsaawaltschaft sicher si, dass di zu erwartendi Strof länger isch, wie d U-Haft. Schuscht wär de Täter in «Überhaft» und müesst spöter entschädiged werde. Gliichwohl gilt für de Häftling bis zueme rechtsgültige Urteil d Unschuldsvermuetig.