Z Noiehof isch es am Mittwoch, 25. Februar 2026 zueme speziell Unfall cho. En Traktor het während de Fahrt es Vorderrad verlore.

Wie d Kantonspolizei innere Mediemitteilig schriibd, isch en 43-jährige Maa hüt um Viertelabnüni am Morge miteme Traktor uf de Zürcherstrass vo Bade Richtig Noiehof unterwägs gsi. Während de Fahrt het sich s linke Vorderrad glöst. Dodebi isch de Dieseltank beschädiged worde, sodass mehreri Liter Diesel usglofe und in en Schacht gflosse sind.

D Füürwehr Noiehof het de Schacht uspumped und het di betroffeni Strass greiniged. D Zürcherstrass het dodefür öppe vier Stund müesse gsperrt werde.

D Unfallursach dörft en technische Defekt gsi si. D Kantonspolizei het di entsprechende Ermittlige ufgnoh.