Wil si schlächt zwääg isch, wird di reformiert Chile im Turgi per Endi Juli 2025 gschlosse. Ineme letschte Gottesdienscht het d Chilegmeind Abschied vom Gebäud gnoh.

Dass es bi de Chile Turgi zu Veränderige muess cho, weiss me scho sit vilne Johr. D Chilegmeind Birmischtorf-Gäbischtorf-Turgi het scho vor vilne Johr de Rückbau planed gha und innerhalb vo ere erwiterde Nutzig en Gottesdienschtruum welle. S Projäkt isch beschlossen worde, aber z Turgi het es Widerstand und viel Emotionen geh, so dass de Gmeindrat het im Zug vo de BNO-Revisison en Unterschutzstellig vo de Chile prüefd und beatraid het. In de Gmeindvetsammlig isch der Aatrag dütlichabglehnt worde und d Chilegmeind het es nois Projäkt an d Hand gnoh. Zämme mit ere Partnerorganisation het me planed und dann e Machbarkeitsstudie lah mache. Dodebi het me feschtgstellt, dass s Projäkt ned zonekonform isch.

D Chilegmeind het in de Zwischeziit en Aatrag uf en Umzonig gstellt, aber bis die unter Dach und Fach isch, werded no es paar Johr ins Land ziehe. In de Zwüscheziit isch d Chile in soeme schlechte Zuestand, dass sie gschlosse muess werde.

Bim Gottesdienst hend dann vili Mönsche vo de Chile Abschied gnoh, wo sit em Mai 1960 unzählige Mönsche Gottesdienscht, aber au wichtigi Lebensereignis, mitenand gfiired hend. Au de ehemolig Turgemer Pfarrer André Herscher, wo 18 Johr dete gwirkt het, isch unter de Gäscht gsi.