Am Fritig, 25. April 2025 her en Unbekannte d SPAR-Filiale z Spreitebach überfalle. D Kantonspolizei suecht de Täter und Züüge.

Churz ab de Föifi am Fritig het en unbekannte Maa mit ere Hygienemaske und de Kapuze vo sinere Jacke überm Chopf d SPAR-Filiale a de Bahnhofstrass z Spreitebach betrete. Er isch direkt an d Kasse und het Geld gfordered. D Kassiereri het em s Notegeld geh und de Täter het d Filiale verlah.

Mit mehrere Patrouille het d Polizei nach em Täter gfahnded, aber er het mit mehrere hundert Franke chönne flüchte.

De Maa isch öppe 185 cm gross und schlank. Er isch ganz schwarz aaglaid gsi und neben de Maske und de Kapuze het er au e schwarzi Baseballmütze ufgha und e Sunnebrille. Mit eme Damevelo, wo er vorher vor em Geschäft glah gha het, isch er devo gfahre.

D Kriminalpolizei z Baden (Telefon 056 200 11 11  E-Mail: ermittlungnord.kripo@kapo.ag.ch) suechd Augezüüge, wo de Täter vor de Tat oder uf de Flucht gseh hend.