Wegem Ustritt vo Ammoniak a de Pfisterstrass z Bade isch d Füürwehr usgrückt. E Warnig gits au uf de App «Alertswiss».
Ammoniak het en stechende Gruch, wie Urin, isch farblos, cha zu tränende Auge führe, bin Iiatme d Atemwäg reize und erstickend wirke. Das Gas, so schriibd s Badener Tagblatt, sig bi ere Firma usträte, wo mit Wartigsarbeite im Fernwärmenetz beschäftiged isch. E Gfahr für Mönsche und Umwält gits lut Alerswiss aber ned. Wil Gruchsemmissione entstönd, wird aber empfohle, d Türe und d Faischt z schlüsse. Lut Alerswiss gilt die Empfehlig für d Gmeinde Bade und Wettige, faktisch gohts aber um d Umgebig vo de Badener Badi.