In de Nacht uf Tsischtig isch en Iibrecher ine Recyling-Betrieb z Wettige im Aargau iibroche. Wo d Polizei cho isch, isch er uf gfährlichi Art und Wiis gflüchte.
D Kantonspolizei Aargau (Kapo) schriibt innere Mediemitteilig, dass am Tsischtig, 4. Februar 2025 churz ab de Eis i de Nacht de Betriiber vomene Wettiger Recycling-Betrieb festgstellt het, dass en Iibruch im Gang isch. Es sind uf de Stell verschidnigi Partrouille vo de Kapo und de Regionalpolizei Wettige-Limmattal ufbote worde, wo d Iibrecher hend welle verwütsche. Eini vo dene Partroullie het e Person gseh, bi dere s Signalement uf de Täter passd het. De unbekannti Maa isch dann über de Wildschutzhaag vo de Autobahn chlädered und isch über d Autobahn grennt. D Kapo wiist bsunders druf anne, dass das läbesgfährlich isch.
D Polizei het aber de Sichtkontakt zum flüchtige Maa verlore und bis jetzt het er no ned chönne gfassd werde.