Nach en Rücktritt vom Grossrat Christian Keller (SVP) vo Untersiggethal, isch am Tsischtig, 23. April 2024 sin Nachfolger in Pflicht gnoh worde. Es isch de Wettiger Jürg Baumann.
Bi de hütige Grossratssitzig z Aarau isch de Wettiger Iiwohnerrat und ehemalig SVP-Ortsparteipräsident Jürg Baumann in Pflicht gnoh worde. Dodemit het Wettige, di iiwohnermässig gröscht Gmeind im Bezirk und zwöitgröschti im Kanton, aktuell acht Grossröt vo de 30, wo de Bezirk Bade het. Nebem Jürg Baumann sind das de Martin Egloff (FDP), de Daniel Notter (SVP), de Roland Kuster (Die Mitte), d Manuela Ernst (GLP), de Lutz Fischer (EVP), de Alain Burger und Lea Schmidmeister (beidi SP).